Dit is deel van beide entiteite se beweging na die nuwe normaal.

Ster Kinekor en die Staatsteater het aangekondig dat hulle nou saamwerk om verskillende opnames van plaaslike teaterproduksies by Ster Kinekor teaters regoor Suid-Afrika te begin speel. Sodoende kan teaterliefhebbers steeds produksies kyk te midde van die feit dat die pandemie dit steeds moeilik maak vir groot teaters om ‘n bestaan te maak. Vir Ster Kinekor is dit ook ‘n geleentheid om ‘n nuwe mark te bereik. Die produksies sal in Julie begin draai by sekere Art Nouveau teaters. Die volledige kalender moet nog bekendgestel word.